«Հրապարակ» օրաթերթը գրում է.
ՀՀ վարչական դատարանում մեկ շաբաթ առաջ սկսվել է «Տաշիր կապիտալ» ընկերության հայցի քննությունը, որով ընկերությունը վիճարկում է «Հայաստանի էլեկտրական ցանցեր» ՓԲԸ-ի կառավարման լիցենզիայից զրկելու որոշումը: Ըստ հայցվոր կողմի՝ ՀՀ հանրային ծառայությունները կարգավորող հանձնաժողովի որոշումները` լիցենզիան հետ կանչելու եւ ժամանակավոր պետական կառավարիչ նշանակելու մասին, ընդունվել են առանց համապատասխան փաստական հիմքերի եւ գործի հանգամանքների սխալ մեկնաբանմամբ:
Նշենք, որ «Տաշիր խմբի» ընկերությունների նախագահ Սամվել Կարապետյանն այս ընկերությունը ձեռք է բերել 2016 թվականին` նախկին կառավարության խնդրանքով, եւ հարյուր միլիոնավոր դոլարներ է ներդրել ցանցի արդիականացման համար։
Մանրամասները՝ «Հրապարակ» օրաթերթի այսօրվա համարում։
